2017 關西賞楓自由行

2017 關西賞楓自由行

(大阪/高野山/奈良/京都/嵐山/和歌山)

今年第7次自由行(13-18/11/2017)，因為係賞楓旺季，機票唔算太平，來回連稅+回程行李費每人約$1220，酒店5晚連自助早餐$2740，即6日5夜Package每人要$2590，再加KANSAI THRU PASS(簡稱KTP) 3 DAY PASS，¥5200

Day 1：香港-大阪

        Day 2：高野山
        Day 3：奈良/京都/嵐山
        Day 4：和歌山/黑潮市場/歐羅巴港
        Day 5：和歌山城/紅葉溪公園/貴志川線猫猫小玉電車
        Day 6：大阪-香港

第一日 (香港-大阪)

搭HK Express UO1012 15:55機，無delay過關順利，約晚上10時到難波Hotel Hillarys check-in，即到附近晚飯，後回酒店，酒店2/F提供24小時免費咖啡/汽水自助機，斟左幾杯汽水回房間慢慢飲。

所住Hotel Hlllarys

酒店附近晚飯(宵夜)

第二日 (大阪-高野山/金剛峯寺/壇上伽藍/靈寶館/大阪城)

今天下雨，早上在酒店吃過自助早餐後到南海難波站買KANSAI THRU PASS(簡稱KTP) 3 DAY PASS，¥5200，呢張PASS幾好用，除左JR，大多關西的私鐵同巴士都可用，(如南海電鐵、近鐵、阪急電鐵、阪神電鐵、嵐電、京阪電車、大阪市營地鐵、京都市營地鐵、京都巴士、高野山林間巴士、和歌山巴士等等(但奈良巴士除外)，實在太多了不能在這盡述，詳情請參閱官方網頁 http://www.surutto.com/tickets/kansai_thru_hantaiji.html

今天行程去高野山，原定搭南海電鐵在極樂橋再轉纜車上高野山，點知纜車停開要在橋本轉乘佢地安排既巴士上高野山，我地只去金剛峯寺、壇上伽藍同靈寶館、無去奧之院。因下雨全身濕了，下午5時左右先回酒店沖個涼換件衫先去捨地鐵去大阪城，晚上在千日前附近榮華亭食超平燒肉放題(男士¥1880,女士¥1550)，超多人排隊，好彩預先係香港在網上預訂左位，等左5-10分鐘已有位。食飽回酒店，又係免費咖啡/汽水自助機，斟左幾杯汽水回房慢慢飲。

酒店自助早餐

在橋本轉巴士上高野山

壇上伽藍

雨中的高野山紅葉

晚上的大阪城天守閣

難波抵食燒肉放題

第三日 (奈良/京都/嵐山 (天龍去/常寂光寺/永觀堂)今日行程緊密，酒店自助早餐後，先搭近鐵到奈良玩左約1.5小時，然後搭近鐵去京都，為爭取多些時間，放棄用PASS搭巴士去嵐山，轉JR約15分鐘去到嵐山¥240，嵐山到處都是人群，我地去左天龍寺、常寂光寺同渡月橋附近賞楓後，已下4時多了，跟著搭93巴士去永觀堂賞夜楓，又係好多人呀，連等開門及排隊用了約45分鐘，門票¥600。晚飯在京都食大阪燒，食飽搭阪急電鐵去日本橋回酒店，返到酒店已11時了。

奈良楓葉

嵐山天龍寺楓葉見頃

嵐山常寂光寺

京都永觀堂賞晚楓

京都晚飯大阪燒(河源町阪急站地庫)

第四日 (和歌山遊艇城 / 黑潮市場/歌羅巴港)

今日到和歌山，原定到和歌山中午去黑潮市場食海鮮Buffet，但呢幾日係難波無行過街，所以酒店食完自助早餐check-out約10時後放下行李到Namba Walk 行左個多小時，然後回酒店攞行李搭南海電鐵去和歌山城，到和歌山城站因有KTP PASS唔好哂搭2個站到APA HOTEL，仍未可check-in，放下行李在酒店門口搭42號巴士去和歌山遊艇城(マリーナシティ)，車程約50分鐘，總站就是了，黑潮沛場、黑潮溫泉、歐羅巴港都在附近。在黑潮市場睇3點鐘場解剖吞拿，並用¥1500買左大大舊即劏嘅吞拿魚食，2個人食唔哂，打包番酒店宵夜。在黑湖市場、歐羅巴港行左一陣，見差不多時間有車，搭番42號巴士返酒店(42號巴士班次好疏，1小時1班)，晚上去Ramen Marui食多蔥拉麵。

吞拿即劏即買即食

歐羅巴港

多蔥拉麵

所住和歌山APA Hotel 客房

第五日 和歌山城 /紅葉溪公園 /貴志川線(和歌山電鐵)

早上酒店食完自助早餐，行去和和歌山城/紅葉溪公園遊覽，幾舒服唔多人仲有紅葉睇。遊覽左2個多小時步行去JR和歌山站搭和歌山電鐵貴志川線探小玉二代。買左1 Day PASS ¥780，搭齊4款電車 (小玉電車、梅星電車、草莓電車、普通電車)，見仲有時間最後去神前站一間好大嘅 DAISO行，然後在JR站M10 shopping Mall食晚飯，再步行返酒店。

和歌山電鐵貴志川線官網：http://www.wakayama-dentetsu.co.jp/ta/